Ազգային - Ժողովրդավարական Բևեռ ՀԱՅՏԱՐԱՐՈՒԹՅՈՒՆ

Ազգային-ժողովրդավարական Բևեռը (National Democtratic Alliance) լիովին հավանություն է տալիս ԱՄՆ Ներկայացուցիչների պալատի «Լեռնային Ղարաբաղում 2023 թ․ էթնիկ զտումների և վայրագությունների կանխարգելման մասին ակտի» (HR 5686) ամբողջական ընդունմանը:

Այս պատմական օրենսգիծը, որն առաջադրվել է կոնգրեսական Քրիս Սմիթի (R-NJ) գլխավորությամբ և ում հետ Բևեռը սերտորեն համագործակցել է վերջին մի քանի ամիսների ընթացքում, կօգնի Արցախի մեր եղբայրների և քույրերի երկարաժամկետ անվտանգությանն ու բարօրությանը:

Օրենսգիծը ներառում է հետևյալ հիմնական դրույթները`

ԱՄՆ դիվանագետների գործուղել տարածաշրջան՝ վերահսկելու իրավիճակը և անմիջապես զեկուցելու ցանկացած հետագա չարաշահումների մասին.

Հայկական մշակութային վայրերի շուրջօրյա տեսադիտարկման կազմակերպում,

Արցախի շրջափակման և վերջին հարձակման հետևանքով տուժած հայերին մարդասիրական օգնություն տրամադրելը.

Արցախի շրջափակումն ու հարձակումն ուղղորդած պաշտոնյաների նկատմամբ նոր պատժամիջոցներ սահմանելը.

Արտաքին ռազմական ֆինանսավորման տրամադրում Հայաստանին, որն այժմ վտանգված է Ադրբեջանի կողմից և

Ադրբեջանին ԱՄՆ-ի ռազմական օգնության դադարեցումը՝ չեղյալ համարելով Ազատության աջակցության ակտի 907-րդ հոդվածի նախագահի շրջանցման արտոնումը։

Այս օրենսգիծը ցույց է տալիս, որ Բևեռի քաղաքականության ուղերձը զգալի տեղ է գրավում Վաշինգտոնում:

Բևեռը միակ քաղաքական սուբյեկտն է՝ ինչպես Հայաստանում, այնպես էլ Սփյուռքում, որը հանդես է եկել հայ-ամերիկյան երկկողմ հարաբերությունների ամրապնդման կառուցողական և բովանդակային ձևերով։

Շատ երկար ժամանակ Հայաստանը հրաժարվել է Սփյուռքի նկատմամբ լոբբիստական իրավունքից, որը սխալ է ծախսել իր ջանքերը՝ պաշտպանելով միայն պատմական և խորհրդանշական խնդիրները՝ միաժամանակ անտեսելով Հայաստանի (ներառյալ Արցախի) պաշտպանության և անվտանգության կարիքները։

Արդյունքները ցավալիորեն ակնհայտ են դարձել 2020-23 թվականներին:

Բևեռը կշարունակի աշխատել Վաշինգտոնում իր պրոֆեսիոնալ լոբբիստների միջոցով՝ ապահովելու այս բեկումնային օրենսգծի ընդունումը:

Ավելին, մենք կոչ ենք անում ԱՄՆ-ում բնակվող մեր աջակիցներին կապվել Կոնգրեսի իրենց անդամների հետ և խնդրել նրանց դառնալ օրենսգծի համահեղինակները:

Ազգային-ժողովրդավարական Բևեռի խորհուրդ

02 հոկտեմբերի, 2023 թ, Երևան